په بلخ کې د اووه وسله والو طالبانو وژل کېدل

کابل/باختر/ د زمري٢مه
اووه وسله وال طالبان تېره شپه په بلخ کې ووژل شول.
د ۲۰۹ شاهین قول اردو ویاند محمد حنیف رضايي باختر آژانس ته وویل چې دغه وسله وال طالبان د بلخ د چمتال ولسوالۍ په آسیاب خان کلي کې په هوایي برید او له پوځیانو سره په نښته کې ووژل شول.
رضايي زیاته کړه چې په جګړه کې ۹ نور وسله وال طالبان ټپیان شول او د دښمن څو جنګي وسایل هم له منځه تللي دي.
ختم/ع