په بغلان کې يوولس تنه د جنايي جرمونو په تړاو ونيول شول
کابل / د غبرګولي ٢۶مه / باختر
د بغلان د امنيې قوماندانۍ له جنايي جرمونو سره د مبارزې پوليسو پرون ١١ تنه په دغه ولايت کې د جنايي جرمونو په اړوند ونيول.
د بغلان د امنيې قوماندانۍ وياند احمدجاوېد بشارت باختر آژانس ته خبر ورکړ چې دغه کسان د وژلو، وسله والو غلاوو، د نشه يي توکو د پلورلو او د غير قانوني وسلو د لېږدونې په تور د خلکو په همکارۍ ونيول شول.
بشارت وويل چې د نيول شويو کسانو دوسيې تر څېړنې وروسته عدلي او قضايي بنسټونوته استول کېږي.
ختم-ج –ا
