په بغلان کې د وسلو يو قاچاق وړونکى نيول .
کابل- باختر د تلې ٦
هغه سړى چې ويل کيږي د وسلو قاچاق کوي، دبغلان ولايت دملي امنيت دځواکونو په ځانګړو عملياتوکې ونيول شو .
دغه سړى چې هويت يې نه دې په ډاګه شوى، نن له غرمې وروسته د دوو بجو په شاوخواکې کله يې چې غوښتل اتلس ميکاروف ډوله تومانچې دافغانستان شمال ته وليږدوي، دملي امنيت دځواکونو له خوا په شمالي سالنګ کې ونيول شو .
دبغلان ولايت دملي امنيت رييس بريد جنرال عبدالحفيظ کريمي باختر اژانس ته وويل: دغه سړى وسلې په مهارت سره په يوکرولا موټر کې ځاى پرځاى کړې وې چې ونيول شو .
ده وويل چې نيول شوى سړى د وسلو يو حرفوي قاچاق وړونکى دى .
