کابل- باختر دمرغومي څليرويشتمه:
د يوې يوولس کسيزې ډلې وسله والوطالبانو دجګړې له دوام څخه لاس واخيست او په بغلان ولايت کې د سولې له پروګرام سره يوځاى شول .
دغه طالبان مخکې له دې کلونه کلونه د جلګې ولسوالۍ په مربوطاتوکې د افغانستان له دولت سره په جګړه کې و.
د دغې ډلې قوماندان قاري ظفر الله نن د خپل پيوستون په مراسمو کې باختر اژانس ته وويل چې له دې وروسته به دخپل هيواد په بيا جوړولو او د امنيت په تامينولو کې هڅه او هاند وکړي .
ده له نورو طالبانوڅخه وغوښتل چې نور د پرديو له خوا ونه غوليږي او له ورانکارى څخه دې لاس واخلي .
د بغلان ولايت امنيه قوماندان اسد الله شيرزاد وايي چې دقاري ظفر الله پيوستون به په جلګې ولسوالۍ کې د امنيت په تامينولو مثبته اغيزې ولري.
ويل کيږي چې دغه قوماندان تر خپل امر لاندې له لسو کسانو سره خپل جنګي وسايل هم دبغلان ولايت امنيه قوماندانۍ ته سپارلى دى .
