کابل باختر دلړم دمياشتې څلورمه :
د ننني زلزلې په وخت کې دکانونو څو تنه کارکوونکي دسمنګانو او بغلان دولايتونو د ډبرو سکرو په کانونوکې په تونلونوکې بند پاتې شوي دي .
درارسيدلو خبرونو له مخې دغه کارګران چې دقيق شمير يې معلوم نه دى دننني زلزلې په وخت کې د بغلان ولايت په مرکز پلخمري ښار کې دکرکر او دسمنګانو ولايت د دره صوف د ډبرو سکرو دکانونو په تونلونوکې په کار بوخت و .
دسمنګانو اوبغلان دولايتونو خبري سرچينو باختراژانس ته وويل چې د ډبرو سکرو دکانونو په تونلونوکې د بند پاتې شويو کارګرانو دژغورنې لپاره هلې ځلې پيل شوي دي .
تراوسه پورې ددغو کارګرانو دقيق شمير او دهغوى دحالت په باب معلومات نه دي ترلاسه شوي .
