په بدخشان کې د دوو کورنيو ترمنځ جګړه کې ۱۰ کسانو ته مرګ ژوبله واوښته

کابل / د غویي ۲۵مه / باختر
په بدخشان کې د دوو کورنيو ترمنځ جګړه کې درې تنه ووژل شول او ٧ تنه نور ټپيان شول.
دغه جګړه د اختر په دويمه ورځ په کشم ولسوالۍ کې هغه وخت ونښته چې یادو کورنيو له ناندريو وروسته پر يو بل ډزې وکړې.
د بدخشان يو امنيتي خبرځاى باختر آژانس ته وويل چې په دې جګړه کې درې تنه وژل شوي او ٧ تنه نور ټپيان شوي دي. په دې جګړه کې يو سړى چې د جګړې له اړوندو لورو څخه نه و، هم وژل شوی دی.
د رارسېدلو خبرونو له مخې؛ امنيتي ځواکونو يوشمېر کسان د پېښې په تړاو نيولي دي.
تراوسه د دغې جګړې علت روښانه نه دى.
د يو بل خبر له مخې:
د کاپيسا په کوه بند ولسوالۍ کې د دوو کورنيو ترمنځ جګړه کې دوه تنه ووژل شول.
پوليس وايي چې په دې اړه څېړنې پيل شوي دي.
ختم-ج –ا