په افغانستان کې د اوولسو تنو وسله والو طالبانو وژل او نيول کيدل
کابل باختر دمرغومي څليرويشتمه
په افغانستان کې د يو لړ پوځي عملياتو په بهيرکې اوولس تنه وسله وال طالبان ووژل شول او ونيول شول .
په دغو طالبانو نن سهار کله چې د بغلان ، غزني ، ارزګان او د ننګرهار د ولايتونو په مربوطاتوکې په تروريستي فعاليتونو بوخت و؛ د افغان پوځيانو او د بهرنيو ځواکونو له خوابريد وشو .
باختر اژانس د ناټو د يوې خبرپاڼې له خولې خبر راکړ چې په دغو پوځي عملياتو کې شپږ تنه وسله وال طالبان ونيول شول او څه ناڅه يوولس تنه نور ووژل شول .
ويل کيږي چې ددغو عملياتو په بهيرکې څو ځانمرګې واسکټونه او يوه اندازه جنګي وسايل هم دپوځيانو لاس ته ورغلي دي .
