کابل باختردوري دمياشتې ١٦ :
په افغانستان کې په جلاجلاپيښوکې دناټو درې تنه سرتيري ووژل شول.
يوددغوسرتيرو تيرماښام او دوه تنه نوريې نن سهار دافغانستان په ختيځ اوجنوب کې ووژل شول.
ناټو باختراژانس ته ديوې خبرپاڼې په ليږلو سره ددغو سرتيرو وژل کيدل تائيدکړ او ويلي يې دي چې ددوي دوه تنه دچاودنو په دوو جلاجلاپيښو کې وژل شوي دي اويوبل يې دوسله والو طالبانو دبريد په بهيرکې وژل شوى دى.
ناټو په دې خبرپاڼه کې ددغو پيښو ددقيق ځاى په باب څه نه دي ويلي .دا په داسې حال کې ده چې پرون سهار هم دناټو يوسرتيرى دافغانستان په ختيځ کې ديوې چاودنې له امله وژل شوى و.
په همدې حال کې ويل کيږي چې دوري دمياشتې له پيل څخه تراوسه پورې په افغانستان کې په بيلابيلو پيښو کې دناټو يو ويشت تنه سرتيري وژل شوي دي.
