کابل باختر د کب دمياشتې ١٥ :
دبلخ ولايت دچاپيريال ساتنې رياست دبلخ ولايت په مربوطاتو کې دپنځه سوه زرو نيالګيو دايښودلو خبر ورکړ.
د بلخ ولايت دچاپيريال ساتنې ادارې رئيس غلام نبي خرمي دڅرګندونوله مخې د ١٣٩٦ نوي کال او په بلخ کې د پسرلي د فصل درارسيدو په هرکلي سره ميوه لرونکي او ډولي نيالګي ايښودل شوي دي او دغه اداره د دغو نيالګيو دساتنې په باب کمپاين اوپروګرامونه ترلاس لاندې نيولي دي ترڅو د دغو نيالګيو د وچيدو مخه ونيول شي تر څو په يو پاک ، سمسور او له ککړتيا پرته ښارکې ژوند وکړو.
خو د بلخ ولايت د کرنې پوهنځي محصل عصمت الله وايي نيالګي په ٢٤ ساعتو کې له ١٨ څخه تر ٢٠ تنو ته کاربن توليدوي ، سربيره پردې چې چاپيريال پاک اوسمسورساتي دسختو بادونو په مخنيوي کې هم ګټور دي او چاپيريال له ککړتيا څخه ژغوري . خو دغه نيالګي چې د دولتي ادارو له خوا دمرغومي او سلواغې په مياشتو کې ايښودل کيږي د کرنې د مسلک پرخلاف دي او بايددغه نيالګي دې دمرغومي اوسلواغې په مياشتو کې نه بلکې دکب په مياشت کې کيښودل شي.
