اسلام اباد ايرنا / باختر د لړم دمياشتې ١
د پاکستان پوليسو د لښکر جهنګوي د ډلې د پنځو تنو تروريستو غړو د نيولو خبر ورکړ .
دپاکستاني مامورينو دڅرګندونوله مخې : دغو کسانو د محرم الحرام دمياشتې دعزا دارۍ په مراسمو ، دولتي مقاماتو او په اسلام اباد کې دامريکا دسفارت په ګډون په مهمو ودانيو دبريد نيت درلود.
د ايران دخبري آژانس دخبرله مخې : دغه پنځه تنه دنړيوال جنايي پوليسو په همکارۍ دمتحده عربي اماراتو په دوبۍ ښارکې ونيول شول او په يوه ځانګړې الوتنه کې د پاکستان لاهور ښار ته وليږدول شول.
د يادونې وړ ده چې د جهنګوي د تروريستي ډلې مشر ملک اسحق له خپلو دوو زامنو او يوولسو تنو نورو سره دروان کال دزمري په مياشت کې دپاکستان په پنجاب ايالت کې د يوې وسله والې جګړې په بهيرکې ووژل شو.
لښکرجهنګوي په تيرو کلونو کې دسپاه صحابه په نامه پيژندل کيده او ويل کيږي چې له طالبانو او القاعده سره اړيکې لري .
