نړۍ، د وږي ۴ مه، بهرنۍ رسنۍ
د سوډان د پوځ مشر عبدالفتاح البرهان پرون شنبې د دغه هېواد په پورټ ښار کې خبریالانو ته ویلي، چې نه غواړي سویس کې له خپلې مخالفې ډلې د سوډان چټک غبرګون وسلوالو سره د خبرو مېز ته کښېني.
نوموړي د جګړې پر دوام ټینګار کړی او خبرداری یې ورکړی، چې غواړي سل کاله نور هم جګړه وکړي.
د سوډان روانه کورنۍ جګړه ۱۶ میاشتېنۍ شوه او د دغې جګړې له امله میلیونونه کسان له خپلو مېنو بې ځایه شوي او زرګونه نور سوډانیان وژل شوي او یا هم ټپیان شوي دي.
د سعودي عربستان، مصر، امریکا او ځینو نورو هېوادونو په منځګړیتوب د ښکېلو لوریو ترمنځ د اوربند هڅې کېږي خو لا یې کومه کره پایله نه ده ورکړې.
