کابل – باختر د غبرګولي دمياشتې ٢٠
درې سوه تنه ساتنمنان له شپږ مياشتې زده کړې وروسته دميدان وردګو دملي پوليسو له روزنيز مرکز څخه فارغ شول.
دباختر آژانس دخبرله مخې : دفراغت په مراسمو کې دکورنيو چارو وزارت دښوونې او روزنې قوماندان پاسوال الهام الدين وردګ فارغانو ته دمبارکۍ په ترڅ کې چې دساتنمنې په رتبه فارغ شوي دي وويل : روزل شوي ملي پوليس دنده لري چې نه يواځې دخپلو دندو په اجرا کولو په بهير کې له قومي ،نژادي ،ژبنيو ،سمتي او مذهبي تعصباتو څخه ډ ډه وکړي بلکې له هر راز تبعيض سره په جدي ډول مبارزه وکړي .
ده له فارغانو څخه وغوښتل چې په ښه چلند او قانوني عمل سره دخلکو دباور او همکارۍ جلب کړي او خپله دنده په صادقانه ډول ترسره کړي.
