کابل باخترد لړم د مياشتې ٢٣ :
د هېواد په بيلابيلو سيموکې په تيرو ٢٤ ساعتو کې څه ناڅه ٤٠ تنه ډار
اچوونکي وژل شوي دي .
د ملي دفاع وزارت مطبوعاتي دفتر ددغه ټکي په تائيدولوسره ويلي دي چې امنيتي ځواکونو د هوايي او توپچي قوتونو په ملاتړ د ننګرهار ولايت داچين او دشينوارو دولسواليو ، زابل ولايت دشملزو، د فارياب ولايت دخواجه سبزپوش او دقندهارولايت دشاولي کوټ دولسواليو اودپکتيکا،ميدان وردګو،بادغيس ، غور ، فراه ، سرپل ، نيمروز، هرات ، بغلان اودکندز دولايتونو په مربوطاتو کې چاڼيز او يرغليز عمليات ترسره کړل چې له امله يې دداعش په ډلې پورې اړوند د ٢٣ تنو په ګډون چې ديارلس تنه بهرني اتباع او دخالد په نامه دوسله والو طالبانو د ډلې يو قوماندان هم پکې دى څه ناڅه ٤٠ تنه ډار اچوونکي ووژل شول .
په دغو عملياتو کې دغه راز د يوه ماين جوړونکي تروريست او د وسله والو طالبانو دډلې د تش په نامه سلاکار په ګډون لس تنه ډار اچوونکي د ننګرهار ولايت په مربوطاتو کې نيول شوي دي .
