کابل باختر د غبرګولي يو ديرشمه :
يو ځانمرګي يرغلګر پرون هدف ته له رسيدو مخکې په پروان ولايت کې ونيول شو .
دبګرام ولسوال عبدالشکور قدوسي باختراژانس ته وويل چې په چاوديدونکو توکو اولاسي بمونو سمبال يو ځانمرګي يرغلګر چې دبګرام دهوايي ډګر په لومړى دروازه کې دغوڅ ملاتړ په ځواکونو دبريد نيت درلود هدف ته له رسيدو مخکې دپوليسو له خوا ونيول شو .
ده زياته کړه چې په ځانمرګي يرغلګر لومړى دسيمې دخلکو له خوا شک وشو او وروسته دسيمې خلکو پوليسو ته دموضوع په باب خبر ورکړ .
ځانمرګي يرغلګرچې دکابل ولايت دپغمان ولسوالۍ اوسيدونکى دى کابو شپاړلس کلن دى .
