کابل باختر د ثور څوارلسمه :
يوکوچنۍ ماشوم چې دوسله والو طالبانو له خوا په ماين ښخولو ګومارل شوى و په ادرسکن ولسوالۍ کې دماين دچاودنې له امله ووژل شو .
دغه کوچنۍ ماشوم چې دادرسکن ولسوالۍ په ختيځ کې دسراخک دسيمې له کوچي مالدارانو څخه و،غوښتل يې چې دهرات -ادرسکن په لاره کې ماين ښخ کړي چې دخپل ماين دچاودنې له امله ووژل شو .
دهرات ولايت دپوليسو يوه مسوول دباختراژانس خبريال ته وويل وسله والو طالبانو دغه ماشوم تيرايستلى و چې په عمومي واټ کې ماين ښخ کړي .
داپه داسې حال کې ده چې په پوځي فعاليتونو کې له ماشومانو څخه کار اخستل غير قانوني دي .
