يو ماشوم دخپلې مور او پلار ترمنځ د تاوتريخوالې قرباني شو.

کابل – باختر دمرغومې اتلسمه :
يو ماشوم چې دخپلې مور او پلار ترمنځ دجګړې او تاوتريخوالې د وحشت له امله له کور څخه بهر تښتيدلى و؛ د هوا د سړښت له امله سا ورکړه.
دغه ماشوم تېره شپه د ډايکندي ولايت د اشترلي ولسوالۍ په مربوطاتوکې سا ورکړې ده .
د ډايکندي ولايت د اشترلي ولسوال مرتضى علي رضا زاده باختر آژانس ته وويل : دسيمې يو اوسيدونکى چې تېره شپه يې له خپلې ميرمنې سره جګړه او شخړه لرله؛ دوه تنه ماشومان يې د هغوى د نارو سورو له امله د وحشت په لښت له کورڅخه وتښتيدل.
ده وويل: يو له دغو ماشومانو څخه چې درې نيم کلن و؛ د هوا د سخت د سړښت له امله سا ورکړه او بل ماشوم يې د يو ګاونډي له خوا وژغورل شو. د اشترلي ولسوال وويل چې د وژل شوى ماشوم پلار د پوليسو له خوا نيول شوى دى.