جلال اباد باختر د زمري د میاشتې ۲۴ مه
چارواکي وايي چې په ننګرهار ولايت کې يو طالب قوماندان له څلورو وسله والو سره د خپلو ساتونکو له خوا وژل شوي دي.
د ننګرهار د امنيې قوماندانۍ وياند حضرت حسين مشرقيوال باختر اژانس ته وویل چې دغه پېښه تېره شپه ناوخته د خوږياڼو ولسوالۍ د پيره خېلو په سيمه کې رامنځته شوې ده.
هغه زياته کړه،د فضل سبحان په نامه د طالبانو يو سيمه ييز قوماندان چې په کاکاجي مشهور و، له څلورو وسله والو سره د خپلو نورو ساتونکو له خوا وژل شوي دي.
مشرقيوال وايي چې وژل شوي قومندان په دغه ولسوالۍ کې د طالبانو د بل مشهور قوماندان مولوي نېک محمد ورور و.
