کابل – باختر د تلې دمياشتې ٢٧
د غور لايت يوشمېر ښځو او اوسيدونکو په فيروزکوه ښارکې د يوې غونډې په ترڅ پکې د غور له والۍ سيما جوينده سره خپل ملاتړ څرګند کړ .
د فيروزکوه له ښارڅخه د باختر آژانس د خبريال د خبرله مخې: دغه غونډه د غور ولايت په مرکز فيروزکوه ښارکې د ميرمن جوينده په ملاتړ جوړه شوه .
د غونډې برخه والو د غور په ولايتي شورا له ښځې سره د دښمنۍ او د ښځو د ودې د مخنيوي تور ولګاوه.
د غونډې يوې برخه والې وويل: هغه څوک نه غواړو چې لاسونه يې د خلکو په وينه ککړ دي او د خلکو کورونه يې لوټ کړي دي او د خلکو زامن وژلي وي؛ موږ همدغه والي غواړو او د هغې ملاتړ کوو.
دا په داسې حال ده چې له دې سره جوخت د ولايتي شورا د غړو، د عالمانو د شورا، د ښار د شورا، د مدني ټولنو د غړو او د بېلابېلو قومونو د مشرانو په ګډون د فيروز کوه په لسګونو تنو اوسيدونکي د مظاهرو په کولو سره د غور د والۍ د ګوښه کولو غوښتنه کړې وه .
دوى د غور په والۍ سيما جوينده د بې کفايتى او د ولايتي چارو په پرمخ بيولوکې د کمزوري تورولګاوه او د هغې د ګوښه کولو غوښتنه يې وکړه.
د غور والۍ وايي چې د دې مخالفو زبرځواکو د دې پرخلاف مظاهرې وکړې .
جوينده د ملي وحدت له حکومت څخه وغوښتل چې د حقيقت د روښانه کيدو په خاطر يو هيئت وټاکي چې موضع حل شي.
ميرمن جوينده په افغانستان کې يوه له دوو ښځينه واليانو څخه ده.
