يو سلو شپږاتيا طالبان په تېرو٢٤ ساعتو کې ووژل شول

کابل/ دغبرګولي ٥/ باختر
په تېرو ٢٤ ساعتو کې د هېواد په بېلابېلو سيمو کې د امنيتي او دفاعي ځواکونو د عملياتو په بهير کې ١٨٦ وسله وال طالبان ووژل شول .
د ملي دفاع وزارت د وياند مرستيال فواد امان د باختراژانس خبريال ته وويل؛ په دغو
جګړو او مخامخو بريدونو کې چې د نورستان، لغمان، لوګر، ميدان وردګو، زابل ، روزګان، بلخ ، جوزجان، هلمند، بدخشان او تخار ولايتونو کې ١٨٦ وسله وال طالبان ووژل شول او ٩٤ نورټپيان شول.
په عملياتو کې د وسله والو طالبانو يو زيات شمېر وسلې او مهمات هم له منځه يووړل شول.
دغه راز امنيتي او دفاعي ځواکونو د هېواد په بېلابېلو سيمو کې ٢٨ ماينونه کشف او شنډ کړل.
پاى \ ذ