کابل باختر دلړم دمياشتې څلورمه :
يوې زلزلې نن له غرمې وروسته کابل ښار ته ټکان ورکړ .
باختراژانس دنړيوالو خبري منابعو له خولې خبر راکړ ، چې ددغې زلزلې سختوالى دريکتر په مقياس اووه اعشاريه اووه درجې بلل شوى دى او مرکزيې په هندوکش کې تثبيت شوى دى .
ددغې زلزلې ټکانونه په افغانستان ، هندوستان ، پاکستان او دازبکستان او قزاقستان په ختيځو ساحو کې احساس شوى دى .
تراوسه پورې ددغې زلزلې له امله دسرداوښتو زيانونو او مالي تاوانونو په باب خبر نه دى ترلاسه شوى . جزئيات وروسته خپريږي .
