_ کابل باخترد لړم د مياشتې ١٨ :
د هرات ولايت د حوزوي روغتون د نسايي او ولادي څانګې ته يوه اندازه روغتيايي تجهيزات ورکړ شول.
له دغو تجهيزاتو څخه به د ناروغانو د بسترۍ او جراحۍ په برخوکې کار واخيستل شي.
د هرات روغتون مسوولينو د دغو تجهيزاتو ټوله بيه لس زره ډالره اعلام کړل.
دغه راز د هرات ولايت د مرکزي روغتون آمر ډاکتر فوشنجي د باختر آژانس خبريال ته وويل: دغه اداره هلې ځلې کوي چې د ولايت له مقام سره په همغږۍ کې بيلا بيلو برخو ته نوي لوازم برابر کړي.
ډاکتر فوشنجي وويل ؛ آيساف دوى ته ډاډ ورکړى دى چې په نږدې راتلوونکې کې به دهرات مرکزي روغتون زيات روغتيايي لوازم په واک کې ورکړي.
د رضايي نسايي او ولادي روغتون په هرات کې د ښځو لپاره يو ډيرمهم روغتيايي مرکزدى.
شميرنې ښيي چې په دې روغتيايي مرکزکې هره ورځ څه دپاسه سل طبيعي زيږونونه اود جراحۍ شل عمليات ترسره کيږي.
