کابل / باختر د لړم دمياشتې ١ :
د فارياب ولايت د غورماچ ولسوالۍ امنيه قوماندان عبدالمجيد ګلم بافي او دهغه اتلس تنه سرتيري چې څو ورځې مخکې د وسله والو طالبانوله خوا اسيران شوي وو، تيره ورځ په غورماچ کـــې د وسله والو طالبانو له خوا په ډزو سره ووژل شول.
د باختر آژانس خبريال وايي: د شهيدانو مړي د ميمنې ښارته ليږدول شوي او خارو ته سپارل شوي دي .
د ٢٠٩ شاهين قول اردو د لومړۍ لوا د قوماندانۍ د مطبوعاتي دفتر مسوول جګړن محمد رضا رضايي دباختر آژانس خبريال ته وويل : دغورماچ ولسوالۍ په لور له پرون ورځې څخه د ملي اردو دځواکونو پرمختګ دوام لري.
ده زياته کړه: د ملي اردو يوه اته سوه کسيزه قطعه چې د وسله والو طالبانو په محاصره کې وه؛ دکوماندو دخاصو قطعاتو او د ريزرفي ځواکونو په مرسته چې له مرکز څخه ليږدول شوي وو؛ په ګډه د وسله والو مخالفينو په سنګرونو بريدونه وکړل او د ملي اردو دغه قطعه وژغول شوه او جګړې دوام لري .
