نیمروز کې د نشه یي توکو د قاچاق په تور ۴ تنه نیول شوي
کابل، و غوایی ۱۱ مه، باختر
د نیمروز په دلارام ولسوالۍ کې ۴ تنه نشه يي توکو د قاچاق په تور نیول شوي دي.
د یاد ولایت د دلارام ولسوالۍ امنیه قوماندان ملا محمد ابراهیم حاجي هېواد د باخترآژانس خبریال ته ویلي، چې د یادې قوماندانۍ امنیتي ځواکونو ۴ تنه د ۴ کیلوګرامه نشه يي توکو (ښيښې) د قاچاق په تور نیولي دي.
د نوموړي په وینا د نیول شویو کسانو دوسیې به له څېړنو وروسته عدلي او قضايي ارګانونو ته وسپارل شي.
