نهه تنه مليشه طالبان دپاکستان په کراچۍ ښارکې ووژل شول
کراچۍ دي نيوز باختردلړم دمياشتې ٥ :
دپاکستان په کراچۍ ښارکې پرون له مليشه طالبانو سره دپوليسو په نښته کې نهه تنه مليشه طالبان ووژل شول.
باخترآژانس دپاکستان دجيوټلويزيون له خولې خبر راکړ : دغه جګړه په يوه پټنځى کې دطالبانو دشتون په باب دپوليسو له استخباراتي معلوماتو وروسته دنشنل لويې لارې ته څيرمه ونښته .
دپوليسو ديوه جګپوړي افسر دڅرګندونوله مخې : له هغه وروسته چې پوليسو مليشه طالبان کلابند کړل، طالبانو په ډزو لاس پورې کړ اوپوليسو هم په متقابلو ډزو لاس پورې کړ چې له امله يې نهه تنه طالبان ووژل شول اوپه چاوديدونکو توکو بار يوه ريکشا او يوه اندازه وسلې هم ددوى په پټنځى کې دامنيتي ځواکونو لاسته ورغلي دي.
د روانې مياشتې په لومړيو وختو کې پوليسو اووه تنه مليشه طالبان دکراچۍ ښار ته څيرمه دسهراب کوټ په ناحيه کې ووژل .
