ننګرهارکې ١٥ طالبان د سولې له بهيرسره يوځاى شول
کابل / د غبرګولي ٣١مه / باختر
په ننګرهار کې د طالبانو د ډلې ١٥ غړو له جګړې او ويجاړيو لاس واخيست او د سولې لاره يې خپله کړه.
د وسله والو طالبانو دغه افراد له دې مخکې د ننګرهار په ځينو سيمو کې له پوځيانو سره په جګړو بوخت و.
د ننګرهار يوې امنيتي سرچېنې باخترآژانس ته وويل: دغو ١٥ طالبانو خپلې وسلې هم پوځيانو ته وسپارلې.
دغو کسانو په تېرو وختو کې د افغانستان په ويجاړولو کې په لاس لرو پيښمانې وښوده او ويې ويل له دې وروسته به دهېواد د امنيت په تامينولو او بيا رغاونه کې هلې ځلې وکړي.
پاى \ ذ
