کابل، د وږي ۱۳مه، باختر
د اطلاعاتو او کلتور وزارت د ګرځندوی، مالي او اداري معين مولوي قدرت الله جمال، د «ټيالاو» مؤسسې له مسئولينو سره په کتنه کې، په افغانستان کې د پراختيايي پروژو او د ګرځندوی برخې پر ودې ټينګار کړی دی.
باختر آژانس ته په رارسېدلې خبرپاڼه کې ویل شوي چې په دې کتنه کې، د «ټيالاو» مؤسسې مسئولينو په افغانستان کې د دغې مؤسسې د فعاليتونو په اړه معلومات ورکړي دي.
د ګرځندوی، مالي او اداري معين هم، په افغانستان کې د یادې مؤسسې کړنې ستايلې او په هېواد کې يې د پراختيايي پروژو او د ګرځندوی برخې پر ودې ټينګار کړی دی.
هغه زياته کړې ده: “افغانستان د ګرځندوی په برخه کې دولت او ملت ته د عوايدو ښې سرچينې لري چې په دوامداره هڅو سره کولای شو ترې عوايد ترلاسه کړو.”
د کتنې په پای کې، پر دوه اړخيزو همکاريو ټینګار شوی دی.
