سیاستخبرونهTOP

مولوي عبدالکبیر: ټول افغانان دې د هېواد په آبادۍ او د اسلامي نظام په ټېنګښت کې برخه واخلي

کابل، د مرغومې ۹مه، باختر

د د ریاست الوزراء سیاسي مرستیال مولوي عبدالکبیر نن د پنجشېر او ننګرهار له یو شمېر قومي مشرانو، عالمانو او ځوانانو سره په سپېدار ماڼۍ کې د لیدني پرمهال وویل چې مولوي عبدالکبیر: ټول افغانان دې د هېواد په آبادۍ او د اسلامي نظام په ټېنګښت کې برخه واخلي.

ارګ په یوه خبرپاڼه کې ویلي چې په دې کتنه کې راغلو قومي مشرانو، عالمانو او ځوانانو د اسلامي امارت لاسته راوړنې او سیاستونه وستایل او ويي ویل، اسلامي امارت په کمه موده کې په بېلابېلو برخو کې ډېر بنیادي کارونه ترسره کړي چې د ولسونو د هوساینې سبب ګرځېدلي دی.

یادو قومي مشرانو، عالمانو او ځوانانو له اسلامي امارت څخه ملاتړ د ټولو افغانانو دیني او ملي مسؤلیت وباله او زیاته یې کړه، د اسلامي نظام د ثبات او دوام لپاره ر راز همکارۍ ته چمتو دي.

دوی دغه راز د خپلو سیمو یو شمېر ستونزې هم د حل په موخه د ریاست الوزراء له سیاسي مرستیال سره شریکې کړې.

ورته مهال د ریاست الوزراء سیاسي مرستیال مولوي عبدالکبیر له دوی څخه په مننې وویل، افغانستان د ټولو افغانانو ګډ کور دی او اسلامي امارت له قومي ژبني او سمتي تبعیض پرته ټولو قومونو ته د قدر په سترګه ګوري.

مولوي عبدالکبیر زیاته کړه، نن په هېواد کې اسلامي نظام حاکم، په ټول هېواد کې سرتاسري امنیت تأمین او د هېواد هرې سیمې ته ودانیزې چارې په پام کې نیول شوې دي.

نوموړي دغه راز وویل، اوس د دې وخت را رسېدلی چې ټول افغانان د هېواد په آبادۍ او د اسلامي نظام په ټېنګښت کې برخه واخلي.

نوموړي دغه راز یادو مشرانو او عالمانو ته ډاډ ورکړ چې ستونزې به یې له اړونده ادارو سره په همغږۍ حل شي.

نور ښکاره کړئ

اړونده مقالې

بیرته پورته تڼۍ ته