سیاستخبرونهټولنهTOP

مولوي عبدالسلام حنفي، د عمومي افکارو په تنوير او د اسلامي نظام په استحکام کې د علماؤ رول مهم وباله

کابل، د سلواغې ۲۷مه، باختر
‏د رياست‌الوزرا اداري مرستيال مولوي عبدالسلام حنفي، د جوزجان له يو شمېر علماؤ سره وکتل.
باختر آژانس ته د رياست‌الوزرا د مطبوعاتي دفتر د معلوماتو له مخې؛ په دې کتنه کې مولوي عبدالسلام رحماني، د نورو په استازیتوب خبرې وکړې او د جوزجان د ټولنيز او اقتصادي وضعيت او سيمه ييزې حکومتولۍ په اړه يې معلومات ورکړي دي.
‏هغه ويلي چې په ياد ولايت کې امنيت په بشپړ ډول تامين دی او ځايي مسئولين خلکو ته د خدماتو وړاندې کولو او لازمو آسانتياوو برابرولو لپاره هڅې کوي.
مولوي رحماني، د اسلامي امارت له رهبرۍ څخه غوښتنه کړې چې ښوونې او روزنې، د مدرسو او ښوونځيو تقويت او د هېواد د استادانو او نخبګانو هڅونې ته پاملرنه وکړي.
‏د رياست‌الوزرا اداري مرستيال هم په خپلو خبرو کې، د عمومي افکارو د تنوير، د ټولنې د بچيانو د روزنې او د اسلامي نظام د استحکام په برخه کې، د علماؤ رول مهم او ارزښتناک بللی دی.
‏هغه ويلي چې اسلامي امارت ټولو برخو په ځانګړې توګه ښوونې او روزنې ته ځانګړی پاملرنه لري او د هېواد د ودې او پرمختيا لپاره به هېڅ ډول هڅې و نه سپموي.

نور ښکاره کړئ

اړونده مقالې

بیرته پورته تڼۍ ته