کابل / باختر د لړم د مياشتې ١١ :
د ملا اختر محمدمنصور مخالفانو، ملامحمد رسول د طالبانو د مشر په توګه معرفي کړ.
باختر آژانس د پاکستان د اکسپرس تربيون ورځپاڼې له خولې خبر راکړ:
د طالبانو ناراضي ډلې چې ځان يې د افغانستان د اسلامي امارت عالي شورا بللى دى؛ ملامحمد رسول يې خپل مشر، ملا منصور دادالله او شيرمحمد منصور يې د ده د مرستيالانو په توګه انتخاب کړي دي او عبدالحنان نيازي يې د دوى د وياند په توګه ټاکلى دى .
د وروستي تصميم په اړوند د ملا اختر محمدمنصور او د پاکستاني کړيو غبرګون لا تراوسه پورې معلوم نه دى.
