قاهره بي بي سي / باختر د تلې دمياشتې ١٩ :
مصرله فرانسې سره د دوو جنګي بيړيو د پيرودنې قرارداد لاسليک کړى دى
د فرانسې صدراعظم مانوئل والس دريو عربي هېوادونو ته د خپل سفر په پيل کې دغه قرارداد د قاهرې په ښارکې لاسليک کړ.
ده په قاهره کې په يوه مطبوعاتي کنفرانس کې وويل : مصر د هغو بحرانونو د حل کولــو لاره محوري شريک دى چې سيمه يې تر خپلې اغيرې لاندې راوستې ده.
ده زياته کړه : چې نړۍ يوه ځواکمن او باثباته مصر ته اړتيا لري او ويې ويل :
موږ ګډ دښمن لرو چې د داعش ډله ده.
د مصر صدارعظم شريف اسماعيل هم د دواړو هېوادونو ترمنځ زياتيدونکو پوځي اړيکو هرکلى وکړ او ويې ويل : د دوو جنګي بيړيو پيرودل د همکاريو د کچې د زياتيدو لپاره يو بل ګام دى .
