مسکو کې د وژل شویو کسانو شمېر ۹۳ تنو ته ورسېد؛ یو شمېر شکمن کسان هم نیول شوي دي
نړۍ، د وري ۴ مه، بهرنۍ رسنۍ
د روسیې سپوتنیک خبري اژانس خبر ورکړی، چې د مسکو په پروني برید کې د وژل شویو کسانو شمېر ۹۳ او د ټپیانو شمېر تر ۱۰۰ پورته دی.
امنیتي چارواکو ویلي، چې د برید طراحان یې اوکراین سره پر پوله نیولي دي.
نیول شویو کسانو کې ۴ اصلي او ۱۱ شکمن کسان شامل دي، چې دغه برید کې یې لاس درلود.
ګڼشمېر هېوادونو برید غندلی دی.
