محمد عم ايزديار له لوى درستيز سره وکتل.
کابل باختر دثور٣
دمشرانو جرګې لومړي نايب محمدعلم ايزديار نن د ملي دفاع وزارت له لوى درستيز ستر جنرال شيرمحمد کريمي سره دخپل کار په دفتر کې وکتل.
د مشرانو جرګې مطبوعاتي دفتر باختراژانس ته خبر ورکړ: په دې کتنه کې د ملي دفاع وزارت لوى درستيز د هيواد دروانو حالاتو اوملي اردو دځواکمنۍ په اړوند معلومات وړاندى کړل او وي ويل چې له بهرنيو ځواکونو څخه د امنيتي مسوليتونو ترلاسه کول يو مثبت بهير اود هيواد د امنيتي ځواکونو دځواکمنۍ څرګندوى دى.
دسنا مجلس لومړي نايب وويل چې افغان امنيتي ځواکونه دې ددغې تاريخي ازموينې د برياليتو ب لپاره يوځل بيا په يو والى او پيوستون سره عمل و کړي اود خپل هيواد ، خلکو اود ملي اوتاريخي ارزښتونو دفاع او ملا تړ و کړي.
په دې کتنه کې دپکتيکا، کنړ اود نورستان د ولايتونو ځينو سنا تورانو هم دامنيتي حالاتو اودکنړ او نورستان د لارې دتړل کيدوپه ګډون په اړوندو ولايتونو کې دشتوستونزو،په دغوولايتونو کې د امنيتي ځواکونو ترمنځ د نه همغږي ، دګيان په ولسوالۍ کې د ملي اردو دکنډک د جوړولو اودشکين ،برملي اوددغه ولايت په ځينو نورو ساحوکې د ملي اردو دځواکونو دځاى پرځاى کولو په باب خبرې وکړې چې ټا کل شوې ده د ايتلاف ځواکونه له دغو سا حو څخه ووځي
لوى درستيز ددغو مواردو په باب تياري څرګندکړ او وړانديز يې و کړچې د کورنيو چارو له وزارت اود پکتيکا له والي سره د ملي دفاع وزارت په ګډه غونډه کې ددغو موضوعګانو په باب په هراړ خيزه توګه غور وشي اود حل لاره يې ولټول شي
