لوګر؛ د څه باندې ۲ میلیونه افغانیو په لګښت د دوو رغنیزو پروژو چارې بشپړې شوې
کابل، د لیندۍ ۱۲ مه، باختر
د لوګر د پوهنې ریاست مسوولینو په برکي برک ولسوالۍ کې د څه باندې ۲ میلیونه افغانیو په لګښت د دوو رغنیزو پروژ د بشپړېدو خبر ورکړی دی.
سرچینې باخترآژانس ته ویلي، چې د دغه ولایت په برکي برک ولسوالۍ کې د چهلتن او تګاب ښوونځیو لپاره د اوبو ژورې څاه ګانې، د لمریزې برېښنا سیسټم، او د پاکو اوبو رسولو منظم سیسټم جوړول شامل دي.
نوموړي زیاته کړې چې په یادو پروژو ٢.٤ میلیونه افغانۍ لګښت راغلی دی.
باید وویل شي، چې تردې وړاندې هم د لوګر په مرکز پل علم، برکي برک، محمدآغې او ازرې ولسوالیو کې څو نورو ښوونځیو کې ورته رغنیزې پروژې تر بشپړېدو وروسته ګټې اخیستنې ته سپارل شوي دي.
