له پنځو کلونو وروسته د کاپيسا د سيمه ييز ټلويزيون بيا فعاليدل
کابل باختر دوږي دمياشتې ٨ :
د کاپيسا سيمه ييز راډيو ټلويزيون نن بيا په خپلو نشراتي فعاليتونو پيل وکړ.
دغه شبکه چې پنځه کاله مخکې له فعاليت څخه لويدلې وه؛ د ملي راډيو ټلويزيون د لوى رئيس زرين انځور له خوا د دغه راډيو ټلويزيون د تخنيکي او اداري او د ولايتونو دمرستيالانو، په ملي شورا د خلکو د وکيلانو او د دولتي ادارو د رييسانو په شتون بيا فعاله شوه .
د کاپيسا ولايت د سيمه ييز راډيو ټلويزيون مسوول دباخترآژانس خبريال ته وويل: دغې شبکې د فريکوينسۍ د ظرفيت د ټيټوالي په علت نه شواى کولاى چې خپرونې وکړي چې په لوړې فريکونسۍ د هغې په بدلولوسره يې بيا په خپرونو پيل وکړ.
