کابل – باختر د غبرګولي دمياشتې ٢٢
دکندز پوليسو يو طالب له يوې اندازې جنګي وسايلو سره ونيوه .
د ٢٠٩ شاهين قول اردو د مطبوعاتي دفتر مرستيال تورن نصرت الله جمشيدي دباختر آژانس خبريال ته وويل چې دکندز پوليسو يو طالب د څو تنو ملکي وګړو د آزادولو دعملياتو په بهير کې چې د کندز – تالقانو په لويه لاره کې دوسله والو طالبانو له خوا تښتول شوي وو دکندز ولايت دخان آباد ولسوالۍ دباغ ميري کلي په مربوطاتو کې ونيوه.
جمشدي زياته کړه: ډاکتر قاسم له يوه کلاشينکوف، دوه ويشتو توغندي ويشتوونکو او دکلاشنکوف له اته سوه ګوليو سره دپوليسو له خوا ونيول شو.
داپه داسې حال کې ده چې د ٢٠٩ شاهين قول اردو مطبوعاتي دفتر پرون هم دتخار ولايت دخواجه غار ولسوالۍ په مربوطاتو کې ديوه ماين دکشف او شنډولو خبر ورکړى و.
