کابل باختر دزمري دمياشتې ١٤ :
له نشه يي توکو سره د مبارزې د چارو وزيرې سلامت عظيمي نن له بېلابېلو شرکتونو سره درې ټولګټې قراردادونه لاسليک کړل .
د باختر آژانس دخبريال دخبرله مخې:
له نشه يي توکو سره د مبارزې د چارو وزيرې د نشه يي توکو د ټلويزيوني او د دغه قرارداد له مخې له نشه يي توکو سره د مبارزي د چارو وزارت دغه اعلانونه د نشه يي توکو په زيانونو د عامه پوهاوي په موخه په سيمه ييزو او ملي رسنيو کې خپروي.
د غور ولايت په مرکز چغچران کې د شاتو د مچيو د فارم د جوړولو قرارداد هم له نشه يي توکوسره د مبارزې د چارو د وزيرې له خوا لاسليک شو.
عظيمي د دغه فارم د جوړولو موخه دشاتو دمچيو روزنې ته دبزګرانو هڅول وبلل او ويې ويل چې دغه شان پروګرامونه کولاى شي د کوکنارو د کرکيلې مخه ونيسي.
د ګرځنده تياتر قرارداد د سلامت عظيمي له خوا د زحل شرکت له رئيس سره لاسليک شو .
د دې د څرګندونوله مخې: د دغه قرارداد د لاسليک موخه د هېواد په ١٣ولايتونوکې د ګرځنده تياتر اجراکول دي چې د نشه يي توکو د کارولو وژونکي اړخونه نندارې ته وړاندې شي .
له نشه يي توکوسره د مبارزي د چارو وزيرې زياته کړه چې د دغو قراردادونو ټول ارښت څه د پاسه ديرشو ميليونو افغانيو ته رسيږي چې له نشه يي توکو سره د مبارزې د چارو وزارت له خوا ورکول کيږي .
دې دغه راز وويل چې د دغو قراردادونو تطبيق د بديل ژوندانه او د کوکنارو د کرکيلې د له منځه وړولو په برخه کې د بزګرانو د هڅونې په مقصد ګټور وي .
سلامت عظيمي دغه راز د هلمند بست تصدۍ له رئيس سره د دوو جنراتورونو د تسليمولو سندونه لاسليک کړل.
د هلمند بست تصدۍ رئيس وويل چې د دغې تصدۍ د لارې پرسر ډير ستر چلنج د هلمند د بزګرانو د پومبې د پروسس او انډي کولو په مقصد د بريښنا نشتوالى و چې د دغو جنرارتورونو په کارولو سره دغه چلنج حل کيږي او بزګران کولاى شي په آسانۍ سره خپل توليد شوې پومبه په دغې تصدۍ کې پروسس کړي.
