فراه کې د یوې ترافیکي پېښې له کبله ۶ کسان مړه شوي

کابل، د مرغومې ۱۷مه، باختر

د فراه ځايي چارواکي وايي چې د دغه ولایت په شيخ ابونصر فراهي بندر کې د يوې ترافيکي پيښې له امله ۶ تنو خپل ژوند له لاسه ورکړی دی.

د فراه د اطلاعاتو او کلتور رئيس محمد عبدالحی سباوون باختر آژانس ته وویل چې د دې ولايت په شيخ ابو نصر فراهي بندر کې د يو فيلډر او اکسور موټر د ټکر له امله ۶ تنو خپل ژوند له لاسه ورکړی دی.

سباوون د یادې پېښې د لامل په تړاو څه ونه ویل خو له دې وړاندې دې ته ورته پېښې د موټر چلوونکو بې احتیاطۍ له امله رامنځته شوې دي.