کابل، د لېندۍ ۲۹ مه، باختر
د غور امنیتي مسوولین وايي، چې د دغه ولایت په شهرک ولسوالۍ کې ۴ تنه په غیر قانوني توګه د تاریخي او لرغونو ساحو د کیندنې په تور نیول شوي دي.
د غور د امنیې قوماندانۍ ویاند عبدالرحمن بدري د باخترآژانس خبریال ته وویل، چې د یاد ولایت د شهرک ولسوالۍ پولیسو ۴ تنه چې په غیر قانوني توګه د تاریخي او لرغونو ساحو په کیندلو بوخت وو نیولي دي.
د نوموړي په وینا دغه کسان د یاد ولایت د شهرک ولسوالۍ په کاریزخوشک سیمه کې نیول شوي چې دوسیې به یې له څېړنو وروسته عدلي او قضايي ارګانونوته وسپارل شي.
