کابل، د زمري ۲۲ مه، باختر
د غور امنیتي مسوولینو د دغه ولایت په مرکز کې د یوې ترافیکي پېښې له امله ۷ تنو ته د مرګ ژوبلې اوښتو خبر ورکړی دی.
د غور د امنیې قوماندانۍ د مطبوعاتو له ادارې څخه په استول شوي خبرپاڼه کې ویل شوي چې د دغه ولایت د مرکز فیروزکوه ښار په کندیوال سیمه کې د یوه فلانکوچ ډوله موټر د چپه کېدو په پېښه کې ۲ تنه مړه او ۵ نور ټپیان شوي دي.
ټپیان د درملنې په موخه ولایتي روغتون ته لېږدول شوي دي.
د پېښې لامل د موټر چلوونکو بې احتیاطي ښودل شوی دی.
