غزني؛ ترافیکي پېښه کې څلورو تنو ته مرګ ژوبله اوښتې
کابل، د لړم ۲۳مه، باختر
د کابل ــ هرات پر لویه لاره د غزني آب بند ولسوالۍ کې د یوې ترافیکي پېښې له امله ۴ تنو ته مرګ ژوبله اوښتې ده.
سرچینې باختر آژانس ته ویلي، چې د کابل ــ هرات پر لویه لاره د غزني آب بند ولسوالۍ کې هم مهال د دوو موټرو او دوو موټرسایکلونو د ټکر له امله دوه کسان مړه او دوه نور ټپیان شوي دي.
یاده دې وي، چې څو ورځې وړاندې د کابل-کندهار پر لویه لاره د غزني ولایت په آب بند ولسوالۍ کې هم د یو ۵۸۰ ډوله او کرولا موټرو د ټکر له امله ٩ کسانو ته مرګ ژوبله اوښتي وه.
