خبرونهټولنهTOPروغتیا

عباد: د ډاکټرانو او نورو مسلکي کارکوونکو د معاشونو د ډېرولو په تړاو هڅې روانې دي

کابل، د مرغومې ۱۷مه، باختر
د عامې روغتیا وزارت سرپرست ډاکټر قلندر عباد د کابل د تخصصي او ثالثي روغتونونو له ټریني متخصصینو او سرطبيبانو سره وکتل.
په دې کتنه کې، ټریني متخصصینو د معاشونو د زیاتوالي، په روغتونونو کې د مسلکي کسانو د ګمارنې او نورو اړینو موضوعاتو په اړه خپلې ستونزې او وړاندیزونه شریک کړل او د عامې روغتیا وزارت له مشرتابه څخه يې د همکارۍ غوښتنه وکړه.
په ورته وخت کې د عامې روغتیا وزرات سرپرست ډاکټر قلندر عباد د ټریني متخصصینو د ستونزو او وړاندیزونو د اورېدلو ترڅنګ وویل، په روغتونونو کې د ټریني متخصصینو، ډاکټرانو او نورو مسلکي کارکوونکو د معاشونو د زیاتوالي اړوند هڅې روانې دي.
عباد همدارنګه په روغتونونو کې د مسلکي کسانو په ګمارنې ټینګار وکړ او زیاته یې کړه، چې موږ په هڅه کې یو؛ تر څو په روغتونونو کې د غوره او معیاري روغتیايي خدمتونو د وړاندې کولو په موخه پوه او مسلکي کسان پر دندو وګمارو.

نور ښکاره کړئ

اړونده مقالې

بیرته پورته تڼۍ ته