شپږ ويشت طالبان په روزګان کې ووژل شول
کابل / د غبرګولي ٢۶مه / باختر
افغان امنيتي او دفاعي ځواکونو په روزګان کې د عملياتو په بهير کې ٢۶ وسله وال طالبان ووژل.
باختر آژانس د ملي دفاع وزارت د خبرپاڼې له مخې خبر راکړ چې دغه وسله وال طالبان د امنيتي او دفاعي ځواکونو په عملياتو کې چې د هېواد د هوايي ځواکونو په ملاتړ د روزګان د چورې ولسوالۍ په مربوطاتو کې ترسره شول؛ وژل شوي دي.
خبرپاڼه زياتوي چې په دغو عملياتو کې ٢٨ نور طالبان ټپيان او جنګي وسايل یې له منځه يوړل شول.
ختم-ج-ا
