کابل / د وري ۱۹مه / باختر
په لغمان کې شپږ وسله وال طالبان په دوو نښتو کې ووژل شول.
دغه نښتې نن سهار او تېره شپه په اليشنګ او الينګار ولسواليو کې هغه وخت وشوې چې وسله وال طالبان په ډار اچوونکو فعاليتونو بوخت وو.
د هېواد په ختيځ کې د سېلاب قول اردو يوه جګپوړي مقام باختر اژانس ته وويل چې په دغو نښتو کې شپږ وسله وال طالبان ووژل شول.
هغه وويل چې د نښتو په پاى کې د وسله والو طالبانو څو جنکي وسايل د پوځيانو لاسته ورغلل.
وسله والو طالبانو تراوسه په دې اړه څه نه دي ویلي.
د یو بل خبر له مخې:
پوځیانو په لغمان کې د ۲۲ماینونو په کشف او شنډولو سره د یولړ چاودنو مخه ونیوله.
دغو ماین ښخونو په اړوند څوک نه دي نیول شوي.
پاى \ ذ
