کابل – باختر د وږي دمياشتې ٣١
شپږ تنه وسله وال طالبان تيره شپه په پکتيا ولايت کې دنښتې په بهيرکې ووژل شول.
په دې پيښه کې چې د زرملې ولسوالۍ په مربوطاتوکې رامنځته شوه؛ د دغې ډلې درې تنه نورجګړه ماران ټپيان شول.
جګړه هغه وخت ونښته چې يوې ډلې وسله وال طالبانو د افغان سرتيرو په کاروان بريد وکړ.
دپکتيا ولايت دعملياتي قوماندانۍ مرستيال باختر آژانس ته وويل: په دې نښته کې شپږ تنه وسله وال طالبان ووژل شول او درې تنه نور يې ټپيان شول .
دخبرځاى دڅرګندونو له مخې: په دې جګړه کې افغان سرتيروته زيان نه دى اوښتى.
ويل کيږي چې افغان سرتيرو د دغې نښتې په بهيرکې د طالبانو يوه اندازه چاوديدونکي توکي هم ترلاسه کړي دي .
له بله پلوه د حقاني د شبکې درې تنه غړي دافغان ځواکونو دځانګړو عملياتو په بهير کې ووژل شول .
په پکتيا ولايت کې د اردو يو ويندوى وايي: دحقاني شبکې په دغو غړو کله چې دخوست ښارته څېرمه په خپل پټنځي کې د يو لړ تروريستي بريدونو په سازمان ورکولو بوخت و؛ بريد وشو او ووژل شول .
د را رسيدلو رپوټونو له مخې : د اردو سرتيرو دحقاني شبکې ددغو غړو په پتنځي کې څو ميله سپکې او درندې وسلې او يوه اندازه چاوديدونکي توکي هم ترلاسه کړي دي.
