شپږ تنه طالبان ووژل شول او لس تنه نور ونيول شول .
کابل باختر د ثور يوولسمه :
شپږ تنه وسله وال طالبان دهيواد په ځينو برخو کې دامنيتي ځواکونو دعملياتو په بهير کې ووژل شول .
دکورنيوچارووزارت مطبوعاتي دفتر باختراژانس ته خبر ورکړ، افغان امنيتي ځواکونو په تيروڅليرويشتو ساعتو کې دننګرهار ،بغلان ، بلخ ، زابل ، ارزګان ، لوګر، غزني او دپکتيکا دولايتونوپه مربوطاتو کې چاڼيز عمليات ترسره کړل چې له امله يې شپږ تنه وسله وال طالبان ووژل شول ، يوطالب ټپي او لس تنه نور ونيول شول .
ويل کيږي چې ددغو عملياتو په بهير کې ددښمن دوسايطو ضد دولس ماينونه ، درې کلاشينکوفونه ، دوه تومانچې ، پوځي تجهيزات او يو موټرسايکل ترلاسه شوي دي .
ديوبل خبر له مخې ، دملي پوليسو منسوبينو دوسايطو ضد اووه ماينونه چې وسله والو مخالفينو نوي دپکتيا او قندهار دولايتونو په مربوطاتو کې ښخ کړي وو کشف اوشنډ کړل .
