نړۍ، د وږي ۳۱ مه، بهرنۍ رسنۍ
د روسیې د بهرنیو چارو وزیر سرګي لاوروف په یوه تازه مرکه کې ویلي، چې د ولسمشر ولادیمیر پوتین هغه خبرې، چې ګواکې مسکو په امریکا کې د ډیموکرات ګوند له نوماندې کاملا هاریس ملاتړ کوي، یوازې یوه ټوکه وه.
لاوروف ویلي، چې پوتین ډېری وخت خپلې ځينې خبرې په طنزیه او د ټوګې په ډول کوي.
پوتین موده وړاندې په خپلو خبرو کې کاملا هارېس د ټرمپ په پرتله د امریکا د ولسمشرې په توګه غوره بللې وه.
د دې ټوکې په ځواب کې، سپینې ماڼۍ د پوتین څخه غوښتي و، چې د نومبر ۵ مې ټاکنو په اړه دې تبصره نه کوي.
لاوروف په خپلو څرګندونو کې زیاته کړې، چې د امریکا د ولسمشریزو ټاکنو بدلون به د روسیې په بهرني سیاست کې کومه اوږدمهاله اغیزه و نه لري.
