سپين بولدک له لارې پرون ۲۵ کورنۍ هېواد ته را ستنې شوې
کابل, د سلواغې ۱۵ مه, باختر
په کندهار کې د ثبت, تثبیت او استقبال کمېټې مسوولینو د سپین بولدک له لارې د ۲۵ کورنیو د راستنېدو خبر ورکړی دی.
په سپین بولدک کې د ثبت، تثبیت او استقبال کمېټې مسئولين وايي پرون له پاکستان څخه ۲۵ کورنۍ هېواد ته را ستنې شوي، چې د کسانو شمېر یې ۱۲۶ ته رسېږي.
سرچینې زیاته کړې چې یادې کورنۍ د مرستو اخيستلو له پاره بېلا بېلو موسسو ته ور پېژندل شوې دي.
