سمنګانو کې د ۶ کیلومتره سړک د رغولو چارې بشپړې شوې
کابل، د چنګاښ ۱۷ مه، باختر
د سمنګانو د کلیو بیا رغونې او پراختیا ریاست مسوولینو د دغه ولایت په حضرت سلطان ولسوالۍ کې د ۶ کیلو متره سړک د جوړېدو خبر ورکړی دی.
د یاد ولایت د کلیو بیا رغونې او پراختیا رییس مولوي اخترمحمد مصباح د باخترآژانس خبریال ته وویل، چې د دغه ولایت په حضرت سلطان ولسوالۍ کې ۶ کیلو متره سړک د ۶۹ میلیونه ۸۶۱ زره افغانیو په لګښت جوړ او ګټې اخیستنې ته سپارل شوی دی.
هغه زیاته کړې چې یاد سړک ۵ متره سور او ۵۸ متره استنادي دېوال لري.
په ورته وخت کې د سیمې اوسېدونکو ته د کار زمینه هم برابره شوې وه.
