روزګان کې د(چورې چینو انګېزې) په نوم مشاعره ترسره شوه
کابل د لړم ۱۹مه، باختر
د روزګان ولایت د اطلاعاتو او کلتور ریاست مسوولینو په دغه ولایت کې د روزګان ولایت د چوري ولسوالۍ د سیند پر غاړه د چورې چینو انګېزې په نوم مشاعره ترسره کړه.
په دغه مشاعره کې یو شمېر سیمه ییزو مسوولینو، شاعرانو، لیکوالانو، فرهنګیانو او ځوانانو ګډون کړی و چې شاعرانو په خپل وار سره خپل شعرونه او ترنمونه د مشاعرې ګدونوالو ته واورول.
د یاد ولایت د اطلاعاتو او کلتور رییس قاري اغاولي قریشي ورته مشاعرې د هېواد د وګړو او شاعرانو ترمنځ د یووالي د زیاتوالي لپاره مهمې وبللې.
