د ګذرګاه سخي زيارت په نږدې راتلونکې کې بيا رغول کېږي
کابل باختر د وري څوارلسمه :
په غزني ولايت کې دګذرګاه سخي زيارت په ډير لنډ ممکن وخت کې بيا رغول کېږي .
د باختراژانس د خبريال د خبرله مخې ، دګذرګاه سخي زيارت د بيا رغاونې تخنيکي سروې چې د غزني ښار په ختيځ کې د سخي صاحب په غونډۍ کې موقعيت لري د اطلاعاتو او فرهنګ وزارت د انجنيرۍ د ټيم له خوا ترسره شوې ده.
د ګذرګاه سخي زيارت په غزني ښار کې د يومشهور ځاى سربېره پردې چې هره ورځ د بېلابېلو ولايتونو اوسيدونکي دغه ځاى ته ځي د هجري لمريز کال د پيل په لومړيو ورځو کې د خلکو د راټوليدو ځاى و .
د دغه زيارت ودانۍ کابو يوه مياشت مخکې د ناپېژاندوکسانو له خوا ويجاړه شوه .
د يادونې وړ ده چې په وروستيو څو کلونوکې د هېواد په بېلابېلو برخو کې ناپيژاندو کسانو څو زيارتونه ويجاړ کړي دي . ختم- عطاالله _ اکرم
